- 085 -
1447 (4. marca) Świdnica, datum & actum quatuor tempora w sobotę po Środzie Popielcowej etc.
Starosta krajowy księstw Świdnicy i Jawora, AlbrechtAlbrecht von Kolditz (zm. 1448) w l. 1419-1448 był starostą księstw Świdnicy i Jawora, ponadto Księstwa Wrocławskiego, jak również landwójtem Górnych Łużyc. von Kolditz, wystawia dokument takiej samej zawartości dotyczącym monety (…monet i halerzy…), jak poprzedni, lecz z uwzględnieniem miast tychże księstw.
— Wir Albrecht von Coldicz von kuniglicher mechte zu Behmen houptman der furstenthumen Sweidnicz und Jawor bekennen uffentlich mit diesem brieff allen die en sehn horen adir lesen, das vor uns komen sein die erbarn weizen - - - burgermeister und ratmanne der stat Sweidnicz diecz keigenwortigen ioris yn der stat namen doselbst und haben uns vorgelegit, wie sie ire möncze zur Sweidnicz mit kouffen und lehn recht und redlich an sich brocht hetten, und das aldo vor uns und unsers gnedigen herrn kunigs mannen und steten der furstenthumen Sweidnicz und Jawor, die allir gemeynlich uff diese quatourtempora alhie zur Sweidnicz beyenandir gewest sein, mit unverbrochen keysirlichen kuniglichen und furstlichen majestatbriefen dorobir lawtende, die wir mitsampt denselben mannen und steten gesehn und gehort lesen haben, haben beweist, die denne undir andern worten innehalden, das sie zu mönczen und hellir zu sloen haben ym zusatcze als bisher gehalden ist, und dorbey irczalt, das en sulchir zusatcz, noch dem als silber itczund gilt und tewir ist, langczeit bisher ist gewest und ggolden hot, zu sweer were und also zu monczen nicht kunden dirreichen dorbey bleiben noch zukomen, das do lantkundig und uffinbar ist, dorumb und durch solcher tewrung wille des silbers sie ouch yn czwelff ioren nicht hetten kund gemonczen, dorzu ire heller und möncze aus dem lande durch irer güte wille gefurt wern und andir gerynge und swache monczeyn die land wurd und were gefurt, dofon herrn lande und stete, arm und reich und ouch sie groszen und merglichen schaden uns landen und steten wolwiszentlich genomen und entphangenhetten und forbas groszen schoden, wo das nicht vorsorgit wurd, nehmen mochten. Uff eyn sulchs haben sie uns von der stat Sweidnicz wegen als eyn houptman und anstat unsers gnedigen herrn kunigs in den obgenanten furstenthumen SweidniczŚwidnica und JaworJawor diemutiglichen gebeten, das wir en yn der stat namen doselbst uff eyne genante czeit unschedlich doch iren obgenanten keysirlichen kuniglichen furstlichen briefen und gerechtikeiten uw ym zusatcze zum vyerden zu mönczen und hellir noch sulchem gebreche und geprege, als sie von aldirs doselbst zur Sweidnicz gemonczt und geslagen sein, zu sloen gonnen und irlewben geruchten. Sulchem schaden forbas forzukomen haben wir obgenanter Albrecht von Coldicz houptman mit rate willen und wiszen der genanten manne und stete gemeynlichen aus allen weichbilden diesir furstenthumer und sundirlichen ouch durch derselben manne und stete und irer bete wille das allis betracht gewegen und besonnen und haben also mit wol vorbedachtem mute und reiffem rate der genanten manne und stete und lewtirlichen umb eyns gemeinen nutcz und fromen wille arm und reich in landen und steten als eyn houptman von kuniglicher gewalt zu Behmen und anstat der erbhirschafft zur Sweidnicz etc. den genanten - - - burgermeister und ratmannen zur Sweidnicz, die itczunt sein und yn der nochgeschreben gesatczer czeit zu burgermeistern und ratmannen gekoren und gesatczt werden, yn der stat namen doselbst ire möncze und hellir von den nehstkomenden phingsten noch data diecz briefs drey gancze ior noch enander ane mittel fulgende zu sloen und gebruchen ggunst und irlewbt, gonnen und irlewben en das in crafft diecz briefs, also das sie dieselbe genante czeit als ufft sie wullen und konnen hellir ym zusatcze zum vyerden ym gebreche und geprege als von aldirs gewest ist sloen und monczen sullen und mögen ungehindert. Sulch monczen und irlewben sal en an iren hantfesten keysirlicher kuniglicher furstlicher briefe und gerechtikeiten, die sie obir die obgenante moncze haben in dheineweis schaden brengen noch swechung machen und sullen sie domit ouch nicht obirgriffen haben nw und in nochfulgenden czeiten. Mit orkund diecz briefs vorsigilt mit des obgenanten unsers herrn kunigs anhanginden ingsigil, des wir von seinen wegen als eyn houptman in den obgenanten furstenthumen obir lehn und sachen gebruchen.
Gescheen und geben zur Sweidnicz noch Crists geburt vyerczenhundert dornoch in den sibenundvyerczigisten ioren am sonobinde yn der quatourtempora noch dem asschtage.
Dobey sein gewest die strengen tüchtigen her Cunrad Nymptsch, her George Czettras, her Hermann Czettras uffem FfurstensteynZamek Książ geseszen, rittere Hayn von Czirn uff BulkenhaynZamek Bolków; Hayn von Czirn na stanowisku podstarosty tych księstw widoczny był w l. 1445-1447. geseszen die czeit unsir undirhouptman, Sigmund Nasschwicz die czeit hoffrichter zur Sweidnicz, Heincze von PetirswaldePieszyce w pow. Dzierżoniów; Heize von Peterswalde na stanowisku podstarosty widoczny był w l. 1434-1448., George Buschke von Molheim uffem KynsbergeNieustalona miejscowość nieopodal zamku Grodno., Ulrich Schoff uffem GreiffensteinZamek Gryf., Jan von Redern uffem LehnZamek Wleń geseszen, Gunczel Seydlicz von SchonfeltKraśnik pow. Bolesławiec., Haschke Mölheim, Hannos von Proffan, Anthonius Czirn, Nickel Sweinchein von LawbrisLuboradz w pow. Jawor., Partschfal ReibniczZ Rybnicy w pow. Jelenia Góra., Cristoff Reibnicz von Pulke, Fredrich von Waldaw, Gunczel Sweinchein vom SweinZamek Świny., Gunczel Sweinchein von Mertschicz, Balthasar Stewicz, Cuncze Reichel von der Peyle, Hannos von Logaw vom Aldendorff, Heincze Kalkrewthe, Heincze Seydlicz, Cunemann genant Chune von Ronaw von Rewszendorff (Raussendorf), Sigmund Lawbris und andir vil unsers herrn kunigs gemeyne manschafft und trauwirdige lewte und Pawl Croschwicz canczler zur Sweidnicz, der diesen brieff hot gehabit in befelung.